Posts

Showing posts from August, 2014

കെടടിടോദ്ഘാടനം നിര്‍വ്വഹിച്ചു

Image
എന്‍ഡോസള്‍ഫാന്‍ പാക്കേജ്  നബാര്‍ഡ് സഹായത്തോടെ നിര്‍മ്മിച്ച കെട്ടിടം ആഗസ്റ്റ് 15 ന് രാവിലെ 11 മണിക്ക്  കാസറഗോഡ്  എം പി ശ്രീ .പി .കരുണാകരന്‍ ഉദ്ഘാടനം ചെയ്തു. ചടങ്ങില്‍ ഉദുമ എം എല്‍ എ ശ്രീ കെ കുഞ്ഞിരാമന്‍ അധ്യക്ഷനായിരുന്നു. സംഘാടക സമിതി ചെയര്‍പേഴ്സണ്‍ ശ്രീമതി .ഭവാനി (മുളിയാര്‍ ഗ്രാമപഞ്ചായത്ത് പ്രസിഡണ്ട്) സ്വാഗതം പറഞ്ഞു . രാഷ്ട്രീയ - സാമൂഹ്യ - ഭരണ രംഗത്തെ പ്രമുഖര്‍ പങ്കെടുത്ത പരിപാടി പൊതുജനങ്ങളുടെ സാന്നിധ്യം കൊണ്ടും ശ്രദ്ദേയമായി .ജനറല്‍ ക​ണ്‍വീനര്‍ ശ്രീ .വി .ടി .കുഞ്ഞിരാമന്‍  (പ്രിന്‍സിപ്പാള്‍ ,ജി വി എച് എസ് എസ് ഇരിയണ്ണി )നന്ദി രേഖപ്പെടുത്തി .

സ്വാതന്ത്ര്യദിനാഘോഷം

Image
സ്വാതന്ത്ര്യദിനം സമുചിതമായി ആഘോഷിച്ചു .രാവിലെ പ്രിന്‍സിപ്പാള്‍ ശ്രീ.വി .ടി . കുഞ്ഞിരാമന്‍ ദേശീയപതാകയുയര്‍ത്തി ‍.ശ്രീ .ചന്ദ്രന്‍ മുരിക്കോളി (പ്രിന്‍സിപ്പാള്‍,ഹയര്‍ സെക്കന്ററി വിഭാഗം) സ്വാതന്ത്ര്യദിന സന്ദേശം നല്‍കി .ചടങ്ങില്‍ പി ടി എ പ്രസിഡന്റ് ശ്രീ . പ്രഭാകരന്‍ ആശംസകള്‍ നേര്‍ന്നു .സ്വാതന്ത്ര്യദിന ക്വിസ് മത്സരം , ദേശഭക്തിഗാനം ,സംഗീത-നൃത്തശില്പം തുടങ്ങിയ പരിപാടികള്‍ സംഘടിപ്പിച്ചു . പായസം വിതരണം ചെയ്തു .

കെട്ടിടോദ്ഘാടനം

എന്‍ഡോസള്‍ഫാന്‍ പാക്കേജ്  നബാര്‍ഡ് സഹായത്തോടെ നിര്‍മ്മിച്ച കെട്ടിടം ആഗസ്റ്റ് 15 ന് രാവിലെ 11 മണിക്ക്  കാസറഗോഡ്  എം പി ശ്രീ .പി .കരുണാകരന്‍ ഉദ്ഘാടനം ചെയ്യും . ചടങ്ങില്‍ ഉദുമ എം എല്‍ എ ശ്രീ കെ കുഞ്ഞിരാമന്‍ , ജില്ലാ പഞ്ചായത്ത് പ്രസിഡണ്ട്  അഡ്വ. പി ശ്യാമളാദേവി എന്നിവര്‍ സംബന്ധിക്കും . ഇതിനായി വിപുലമായ സംഘാടകസമിതി രൂപീകരിച്ചു. ബ്ലോക്ക് പഞ്ചായത്ത് പ്രസിഡണ്ട് ശ്രീ .ബി എം പ്രദീപ്  സംഘാടകസമിതി രൂപീകരണ യോഗം ഉദ്ഘാടനം ചെയ്തു . സംഘാടക സമിതി ചെയര്‍പേഴ്സണ്‍ ശ്രീമതി .ഭവാനി (മുളിയാര്‍ ഗ്രാമപഞ്ചായത്ത് പ്രസിഡണ്ട്), ജനറല്‍ ക​ണ്‍വീനര്‍ ശ്രീ .വി .ടി .കുഞ്ഞിരാമന്‍  (പ്രിന്‍സിപ്പാള്‍ ,ജി വി എച് എസ് എസ് ഇരിയണ്ണി ),കണ്‍വീനര്‍മാര്‍ ശ്രീ .ചന്ദ്രന്‍ മുരിക്കോളി (ഹയര്‍ സെക്കന്ററി പ്രിന്‍സിപ്പാള്‍ ,  ജി വി എച് എസ് എസ് ഇരിയണ്ണി), ശ്രീ.കുഞ്ഞിക്കേളു നായര്‍ (ഹെഡ്മാസ്റ്റര്‍, ജി എല്‍ പി എസ് ഇരിയണ്ണി) .പരിപാടിയുടെ സുഗമമായ നടത്തിപ്പിനായി വിവിധ സബ്കമ്മിറ്റികള്‍ രൂപീകരിച്ചു .

സാക്ഷരം

Image
സാക്ഷരം പദ്ധതിയുടെ ഉദ്ഘാടനം 06/08/2014 ന്  ഉച്ചയ്ക്കുശേഷം 3മണിക്ക് പി .ടി .എ . പ്രസിഡണ്ട് ശ്രീ. പ്രഭാകരന്‍ നിര്‍വ്വഹിച്ചു . ശ്രീമതി രമ ടീച്ചര്‍ സ്വാഗതം പറഞ്ഞ ചടങ്ങില്‍ പ്രിന്‍സിപ്പാള്‍ ശ്രീ . വി.ടി . കുഞ്ഞിരാമന്‍ മാസ്റ്റര്‍ അധ്യക്ഷനായിരുന്നു . ശ്രീ .ബിജു മാസ്റ്റര്‍ നന്ദി പ്രകാശിപ്പിച്ചു . കൃത്യം 3.30 ന് തന്നെ തെരഞ്ഞെടുത്ത കുട്ടികള്‍ക്ക് ക്ളാസ്സ് ആരംഭിച്ചു.

ഹിരോഷിമാ ദിനം

Image
                         ആഗസ്റ്റ് 6 ഹിരോഷിമാദിനാചരണത്തിന്റെ ഭാഗമായി തയ്യാറാക്കിയ ശാന്തിസ്തൂപത്തില്‍ ലോകസമാധാനത്തിനായി കുട്ടികളും അധ്യാപകരും പുഷ്പാര്‍ച്ചന നടത്തി . മണ്‍ചെരാതുകള്‍ കൊണ്ട് തീര്‍ത്ത വെള്ളരിപ്രാവുകള്‍ മനസ്സുകളില്‍ ശാന്തിയുടെ വെളിച്ചം നിറച്ചു . പുഷ്പാര്‍ച്ചന നടത്തിക്കൊണ്ട് പി.ടി.എ പ്രസിഡണ്ട് ശ്രീ . പ്രഭാകരന്‍ ചടങ്ങ് ഉദ്ഘാടനം ചെയ്തു . പ്രിന്‍സിപ്പാള്‍ ശ്രീ .വി .ടി . കുഞ്ഞിരാമന്‍ സ്വാഗതം പറഞ്ഞു. സോഷ്യല്‍ സയന്‍സ് ക്ലബ്ബിന്റെയും ജൂനിയര്‍ റെഡ്ക്രോസ്സിന്റെയും ആഭിമുഖ്യത്തില്‍  നടന്ന ചടങ്ങുകള്‍ക്ക് അധ്യാപകരായ മിനീഷ് ബാബു ,സി .വിജയന്‍ ,ഒ.കെ. ഷിജു , ബിന്ദു .കെ എന്നിവര്‍ നേതൃത്വം നല്കി .