സാഹിത്യോത്സവം 2014
Posts
വിദ്യാരംഗം സാഹിത്യോത്സവം
വിദ്യാര്‍ത്ഥികളില്‍ കലാസാഹിത്യാഭിരുചികള്‍ വളര്‍ത്തുന്നതില്‍ ശ്രദ്ദേയമായ പ്രവര്‍ത്തനം കാഴ്ചവയ്ക്കുന്ന വിദ്യാരംഗം കലാസാഹിത്യവേദിയുടെ കാസറഗോഡ് ഉപജില്ലാ സാഹിത്യോത്സവം 25/11/2014 ന് ജി വി എച് എസ് എസ് ഇരിയണ്ണി യില്‍ വച്ച് നടത്തപ്പെടുകയാണ് . രാവിലെ 9 മണിക്ക് ആരംഭിക്കുന്ന പരിപാടിയുടെ ഔപചാരികമായ ഉദ്ഘാടനം കാറഡുക്ക ബ്ലോക്ക് പഞ്ചായത്ത് പ്രസിഡണ്ട് ശ്രീ. ബി .എം.പ്രദീപ് നിര്‍വ്വഹിക്കും. സാഹിത്യകാരന്‍ ശ്രീ .പ്രകാശന്‍ കരിവെള്ളൂര്‍ മുഖ്യാതിഥിയായിരിക്കും .
പഠനയാത്ര
നവംബര്‍ 4ന് രാത്രി പുറപ്പെട്ട് 7 ന് രാവിലെ തിരിച്ചെത്തിയ മൈസൂര്‍ - ബാംഗ്ളൂര്‍ വണ്ടര്‍ലാ പഠന -വിനോദയാത്രയില്‍ 56 കുട്ടികളും അധ്യാപകരും മദര്‍ പി. ടി എ അംഗങ്ങളും പങ്കെടുത്തു .
മോട്ടിവേഷന്‍ ക്ലാസ്സ്
STEPS പരിപാടിയുടെ ഭാഗമായി പത്താംതരം വിദ്യാര്‍ത്ഥികള്‍ക്കായി 10/10/2014 ന് മോട്ടിവേഷന്‍ ക്ലാസ്സ് സംഘടിപ്പിച്ചു . ഗവ. ഹയര്‍സെക്കന്ററി സ്കൂള്‍ ബേത്തൂര്‍പാറയിലെ അധ്യാപകരായ രാധാകൃഷ്ണന്‍ , രജനി .പി.വി എന്നിവര്‍ ക്ലാസ്സെടുത്തു .
സ്വച്ഛ് ഭാരത് - സ്കൂള്‍ പരിസരശുചീകരണം
ഗാന്ധിജയന്തിയോടനുബന്ധിച്ച് ശാസ്ത്ര - ഭാഷാ - ഇക്കോ ക്ലബ്ബുകളുടെ നേതൃത്വത്തില്‍ കുട്ടികള്‍ സ്കൂളും പരിസരവും ശുചീകരിച്ചു .
പൂന്തോട്ടം നിര്‍മ്മിച്ചു
സ്കൂള്‍ ജൂനിയര്‍ റെഡ്ക്രോസ്സിന്റെ ആഭിമുഖ്യത്തില്‍ 04/10/2014 ന് നടന്ന പൂന്തോട്ട നിര്‍മ്മാണം സീനിയര്‍ അസിസ്റ്റന്റ് ശ്രീ.വിജയന്‍ മാസ്റ്റര്‍ ഉദ്ഘാടനം ചെയ്യുന്നു . സ്കൂള്‍ ജൂനിയര്‍ റെഡ്ക്രോസ്സ് അംഗങ്ങള്‍ ,അധ്യാപകരായ മിനീഷ് മാസ്റ്റര്‍ ,സന്തോഷ് മാസ്റ്റര്‍ എന്നിവര്‍ സമീപം .
സ്കൂള്‍ ബ്ലോഗ് ഉദ്ഘാടനം
ജി വി എച് എസ് എസ് ഇരിയണ്ണി സ്കൂള്‍ ബ്ലോഗ് ഉദ്ഘാടനം 25/09/2014 ഉച്ചയ്ക്ക് 2മണിക്ക് സ്കൂള്‍ പി ടി എ പ്രസിഡണ്ട് ശ്രീ . പ്രഭാകരന്‍ ഉദ്ഘാടനം ചെയ്തു . പ്രിന്‍സിപ്പാള്‍ ശ്രീ . വി. ടി .കുഞ്ഞിരാമന്‍ മാസ്റ്റര്‍ അധ്യക്ഷനായ യോഗത്തില്‍ സന്തോഷ് മാസ്റ്റര്‍ സ്വാഗതവും മിനീഷ് മാസ്റ്റര്‍ നന്ദിയും പറഞ്ഞു . സീനിയര്‍ അസിസ്ററന്റ് ശ്രീ. ജയചന്ദ്രന്‍ മാസ്റ്റര്‍ ആശംസകളര്‍പ്പിച്ചു .
മംഗള്‍യാന്‍ വിജയാഘോഷം
മംഗള്‍യാന്‍ വിജയാഘോഷത്തിന്റെ ഭാഗമായി മധുരപലഹാരം വിതരണം ചെയ്തു . ഇന്ത്യന്‍ ശാസ്ത്രലോകത്തിന്റെ നേട്ടം കുട്ടികള്‍ക്ക് ആവേശവും പ്രചോദനവുമായി .
ഓണാഘോഷം
ഓണാഘോഷത്തിന്റെ ഭാഗമായി പൂക്കള മത്സരം , കായിക മത്സരങ്ങള്‍ ,കമ്പവലി തുടങ്ങി വിവിധ പരിപാടികള്‍ നടത്തപ്പെട്ടു .തുടര്‍ന്ന് ഓണസദ്യയും മത്സരവിജയികള്‍ക്ക് സമ്മാനദാനവും നടന്നു .
കെടടിടോദ്ഘാടനം നിര്‍വ്വഹിച്ചു
എന്‍ഡോസള്‍ഫാന്‍ പാക്കേജ് നബാര്‍ഡ് സഹായത്തോടെ നിര്‍മ്മിച്ച കെട്ടിടം ആഗസ്റ്റ് 15 ന് രാവിലെ 11 മണിക്ക് കാസറഗോഡ് എം പി ശ്രീ .പി .കരുണാകരന്‍ ഉദ്ഘാടനം ചെയ്തു. ചടങ്ങില്‍ ഉദുമ എം എല്‍ എ ശ്രീ കെ കുഞ്ഞിരാമന്‍ അധ്യക്ഷനായിരുന്നു. സംഘാടക സമിതി ചെയര്‍പേഴ്സണ്‍ ശ്രീമതി .ഭവാനി (മുളിയാര്‍ ഗ്രാമപഞ്ചായത്ത് പ്രസിഡണ്ട്) സ്വാഗതം പറഞ്ഞു . രാഷ്ട്രീയ - സാമൂഹ്യ - ഭരണ രംഗത്തെ പ്രമുഖര്‍ പങ്കെടുത്ത പരിപാടി പൊതുജനങ്ങളുടെ സാന്നിധ്യം കൊണ്ടും ശ്രദ്ദേയമായി .ജനറല്‍ കണ്‍വീനര്‍ ശ്രീ .വി .ടി .കുഞ്ഞിരാമന്‍ (പ്രിന്‍സിപ്പാള്‍ ,ജി വി എച് എസ് എസ് ഇരിയണ്ണി )നന്ദി രേഖപ്പെടുത്തി .
സ്വാതന്ത്ര്യദിനാഘോഷം
സ്വാതന്ത്ര്യദിനം സമുചിതമായി ആഘോഷിച്ചു .രാവിലെ പ്രിന്‍സിപ്പാള്‍ ശ്രീ.വി .ടി . കുഞ്ഞിരാമന്‍ ദേശീയപതാകയുയര്‍ത്തി .ശ്രീ .ചന്ദ്രന്‍ മുരിക്കോളി (പ്രിന്‍സിപ്പാള്‍,ഹയര്‍ സെക്കന്ററി വിഭാഗം) സ്വാതന്ത്ര്യദിന സന്ദേശം നല്കി .ചടങ്ങില്‍ പി ടി എ പ്രസിഡന്റ് ശ്രീ . പ്രഭാകരന്‍ ആശംസകള്‍ നേര്‍ന്നു .സ്വാതന്ത്ര്യദിന ക്വിസ് മത്സരം , ദേശഭക്തിഗാനം ,സംഗീത-നൃത്തശില്പം തുടങ്ങിയ പരിപാടികള്‍ സംഘടിപ്പിച്ചു . പായസം വിതരണം ചെയ്തു .
കെട്ടിടോദ്ഘാടനം
എന്‍ഡോസള്‍ഫാന്‍ പാക്കേജ് നബാര്‍ഡ് സഹായത്തോടെ നിര്‍മ്മിച്ച കെട്ടിടം ആഗസ്റ്റ് 15 ന് രാവിലെ 11 മണിക്ക് കാസറഗോഡ് എം പി ശ്രീ .പി .കരുണാകരന്‍ ഉദ്ഘാടനം ചെയ്യും . ചടങ്ങില്‍ ഉദുമ എം എല്‍ എ ശ്രീ കെ കുഞ്ഞിരാമന്‍ , ജില്ലാ പഞ്ചായത്ത് പ്രസിഡണ്ട് അഡ്വ. പി ശ്യാമളാദേവി എന്നിവര്‍ സംബന്ധിക്കും . ഇതിനായി വിപുലമായ സംഘാടകസമിതി രൂപീകരിച്ചു. ബ്ലോക്ക് പഞ്ചായത്ത് പ്രസിഡണ്ട് ശ്രീ .ബി എം പ്രദീപ് സംഘാടകസമിതി രൂപീകരണ യോഗം ഉദ്ഘാടനം ചെയ്തു . സംഘാടക സമിതി ചെയര്‍പേഴ്സണ്‍ ശ്രീമതി .ഭവാനി (മുളിയാര്‍ ഗ്രാമപഞ്ചായത്ത് പ്രസിഡണ്ട്), ജനറല്‍ കണ്‍വീനര്‍ ശ്രീ .വി .ടി .കുഞ്ഞിരാമന്‍ (പ്രിന്‍സിപ്പാള്‍ ,ജി വി എച് എസ് എസ് ഇരിയണ്ണി ),കണ്‍വീനര്‍മാര്‍ ശ്രീ .ചന്ദ്രന്‍ മുരിക്കോളി (ഹയര്‍ സെക്കന്ററി പ്രിന്‍സിപ്പാള്‍ , ജി വി എച് എസ് എസ് ഇരിയണ്ണി), ശ്രീ.കുഞ്ഞിക്കേളു നായര്‍ (ഹെഡ്മാസ്റ്റര്‍, ജി എല്‍ പി എസ് ഇരിയണ്ണി) .പരിപാടിയുടെ സുഗമമായ നടത്തിപ്പിനായി വിവിധ സബ്കമ്മിറ്റികള്‍ രൂപീകരിച്ചു .
സാക്ഷരം
സാക്ഷരം പദ്ധതിയുടെ ഉദ്ഘാടനം 06/08/2014 ന് ഉച്ചയ്ക്കുശേഷം 3മണിക്ക് പി .ടി .എ . പ്രസിഡണ്ട് ശ്രീ. പ്രഭാകരന്‍ നിര്‍വ്വഹിച്ചു . ശ്രീമതി രമ ടീച്ചര്‍ സ്വാഗതം പറഞ്ഞ ചടങ്ങില്‍ പ്രിന്‍സിപ്പാള്‍ ശ്രീ . വി.ടി . കുഞ്ഞിരാമന്‍ മാസ്റ്റര്‍ അധ്യക്ഷനായിരുന്നു . ശ്രീ .ബിജു മാസ്റ്റര്‍ നന്ദി പ്രകാശിപ്പിച്ചു . കൃത്യം 3.30 ന് തന്നെ തെരഞ്ഞെടുത്ത കുട്ടികള്‍ക്ക് ക്ളാസ്സ് ആരംഭിച്ചു.
ഹിരോഷിമാ ദിനം
ആഗസ്റ്റ് 6 ഹിരോഷിമാദിനാചരണത്തിന്റെ ഭാഗമായി തയ്യാറാക്കിയ ശാന്തിസ്തൂപത്തില്‍ ലോകസമാധാനത്തിനായി കുട്ടികളും അധ്യാപകരും പുഷ്പാര്‍ച്ചന നടത്തി . മണ്‍ചെരാതുകള്‍ കൊണ്ട് തീര്‍ത്ത വെള്ളരിപ്രാവുകള്‍ മനസ്സുകളില്‍ ശാന്തിയുടെ വെളിച്ചം നിറച്ചു . പുഷ്പാര്‍ച്ചന നടത്തിക്കൊണ്ട് പി.ടി.എ പ്രസിഡണ്ട് ശ്രീ . പ്രഭാകരന്‍ ചടങ്ങ് ഉദ്ഘാടനം ചെയ്തു . പ്രിന്‍സിപ്പാള്‍ ശ്രീ .വി .ടി . കുഞ്ഞിരാമന്‍ സ്വാഗതം പറഞ്ഞു. സോഷ്യല്‍ സയന്‍സ് ക്ലബ്ബിന്റെയും ജൂനിയര്‍ റെഡ്ക്രോസ്സിന്റെയും ആഭിമുഖ്യത്തില്‍ നടന്ന ചടങ്ങുകള്‍ക്ക് അധ്യാപകരായ മിനീഷ് ബാബു ,സി .വിജയന്‍ ,ഒ.കെ. ഷിജു , ബിന്ദു .കെ എന്നിവര്‍ നേതൃത്വം നല്കി .
പ്രേംചന്ദ് ജയന്തി
ജൂലൈ 31 പ്രേംചന്ദ് ജയന്തി സമുചിതമായി ആഘോഷിച്ചു. എല്ലാ ക്ളാസ്സുകളിലും പോസ്റ്റര്‍ പതിച്ചു .തെരഞ്ഞെടുത്ത ഹിന്ദി ക്ളബ്ബ് അംഗങ്ങള്‍ എല്ലാ ക്ളാസ്സുകളിലും പ്രേംചന്ദ് അനുസ്മരണം നടത്തി .
സഹായധനം
ചികിത്സയില്‍ കഴിയുന്ന സഹപാഠിക്കായി റെഡ്ക്രോസ് യൂണിറ്റിന്റെ സഹായധനം സ്കൂള്‍ അധികൃതര്‍ക്ക് കൈമാറി.
ചാന്ദ്രദിനം
ചാന്ദ്രദിനാചരണത്തിന്റെ ഭാഗമായി യു.പി ,ഹൈസ്കൂള്‍ വിദ്യാര്‍ത്ഥികള്‍ക്കായി ക്വിസ് മത്സരം നടത്തി . ക്ലാസ്സ് അടിസ്ഥാനത്തില്‍ ചാന്ദ്രദിനപ്പതിപ്പ് മത്സരം നടത്തി .
ലോക ജനസംഖ്യാദിനം
ലോക ജനസംഖ്യാദിനാചരണത്തോടനുബന്ധിച്ച് സാമൂഹ്യശാസ്ത്ര ക്ളബ്ബിന്റെ നേതൃത്വത്തില്‍ കാര്‍ട്ടൂണ്‍ ,ക്വിസ് തുടങ്ങിയ മത്സരങ്ങള്‍ നടത്തി.'ജനസംഖ്യാ വര്‍ദ്ധനവ് :സാധ്യതകളും വെല്ലുവിളികളും' എന്ന വിഷയത്തില്‍ ഹൈസ്കൂള്‍വിദ്യാര്‍ത്ഥികള്‍ക്കായി സംവാദം നടത്തി. C Dപ്രദര്‍ശനം ,ചാര്‍ട്ട് -പോസ്റ്റര്‍ പ്രദര്‍ശനം സംഘടിപ്പിച്ചു
വായനാവാരം
19/6/2014 മുതല്‍ 25/6/2014 വരെ വായനാവാരം സമുചിതമായി ആഘോഷിച്ചു . പീ.എന്‍.പണിക്കര്‍ അനുസ്മരണം ,വായനാ മത്സരം,കഥ -കവിത - ഉപന്യാസ രചനാ മത്സരങ്ങള്‍ ,വായനാക്കുറിപ്പ് മത്സരം തുടങ്ങിയ പരിരാടികള്‍ നടത്തി.